[العبد لله بو صالح]

قال بن سعد قلبي فوش يا ما صبر

وذاق بالكأس تعذيبه وطعم المراره

صدقوا كذبة الدجال طمّع لهم

لذاك بابور والثاني هبا له عماره

ودفّوا كلهم ايش الذي ساقهم

ليد نجار ما يعرف اصول النجارة

جاب منشار والقدّوم بدا يشتغل

وانه لقى الكل قدامه مضاريب فاره

لا تصدق ولا تطمع وتلحق بهم

***

قدك على الفقر احسن لك ولا ذي التجارة

تزوج الست واجا يطلب عروسه جديد

خائف على ذي العروسه لا تقع في المداره

لا رضت أو عجبها الزوج با يفرحوا

أهل العروس بايسووا يوم حامي غباره

بايسوا لها دخلة على مطربين

او بايسوا محف من شأنها أو زيارة

قل لأهل العروسه حسكم تقبلوه

حاموا على بنتكم ما حد يفرط بعاره

ذي خطب عندكم ذا شخص ما يؤتمن

بايدعي ان الجمارك ملك له والإماره

***

قل لبن سعد تمت خطبة السابعة

ذي كنت خايف عليها لا تقع في المداره

زوجوها وزفّوها على مطربين

وكلفتوها وباعوها وتمت صهاره

والذي قد سمع قولي وذاق الكلام

ما عاد بافهمه تكفي الحليم الإشاره