بدع الشاعر الشيخ / احمد عبدربه المعمري
قال احمد المعمري ماشـي معي غـــير كلمة*** اقـــــولها والســـــلام
اقول لثابت عـــوض يعرف مــقامه وحجمه *** لـكـل واحــــــد مـقـام
في بقعة الخالدي يحلم وكـــم ناس حــلمـــة *** يـــــحـلـــم بأنه امـام
امـــــام مـــالــــــه صـــله بالعلم او بالائـمة *** ما يـــوم صلى وصام
وشخص معتوه لو يدرس في اليوم ختمة *** مــــا بيقول ذا حــرام
اذا حلف خـــــــــــــــان ما عنده امانه وذمه ** اعــتـــاد خـــرم الذمام
ما بقعة الخالدي قــــــــد ما اخذها ابن عمه *** وكل شــاعــر هـمــام
من يخلف الخالدي موضوع قـــــــد تم حسمه *** خـلـيفته بو عــصـام
استاذ واعي وصاحب رأي صـــايب وحكمة *** لـمـــــجد ابن الـكرام
من انت حتى يكون لك رأي فيه او تسمه *** من في الادب له وسام
والصنبحي كيف يختارك لــحــمـل المهمة *** ولا انت قــــــد المهام
يختار انسان ذي تـركـــب عـليه أي تهـمه *** وفي قـفـص لتـهـــــام
وقلت مـشــروع ثابــت بن عـوض با يتمه *** وانت البديل الـتـمــام
صحيح ذي يستحو مــا تو وناس ما يهمه *** كلمة عــتـب او مــلام
لو قلت له عيب با تصبح عـدوه وخصمه *** كــــذا طـــبـاع اللــــئام
وينك من الخالدي ومن طباعه وحـزمـــه *** من كان صمته كـــــلام
ما با يصل مستوى شايف وتحطيم رقـمه *** ذي ما يساوي جــــرام
شاعـر مناضل وله محجا على كل قـمـــة *** وعـــادك انته غـــــلام
مـــــا تعرف الخالدي ولا رصيده وعــزمـــه *** عــنــد الــوقـــا والصدام
يا ثابت الفرق شاسع بين فهمك وفهــمه *** والـحــب والاحــتــــرام
حـــــب الجماهير والتاريخ قد خــلــد اسمه *** مـــــــــع الرجال العظام
وبعضهم لا يموت عليه ما تبكي امـــــة *** ولا اخــــوتــه والمـــدام
لو غــاب ابو لوزه البداع ما غـاب نجمه *** ذكـــره سيــــبـقى دوام
مــــن كان يـقـدر سـوى ثابت يقول أي كلمة *** خـــوفـــاً مـــن الانتقام
كان الوحيد ينتقد شـــذوذ حزبك وظلمه *** وضــــد ذاك الـنـظـــــام
والان في ضل وحـــدة كل من فــك فمه *** مثلك ويصرف كـــــــلام
وبالديمقراطية والحرية الف نـعـمـــــة *** والنور بعـد الـظــــــــلام
كفى ولو جاتني من أي ناقص مـذمــة *** ما الـقي لها أي اهـتــمام
ولي مكانة بيافع واصدقاء في المهمة *** تشبه صواريخ ســــــــام
يسري الوفاء بيننا لن تستطيع انت هدمه *** والتفرقة والخـصـــام
شوف احمد المعمري معهم بلحمه ودمه *** والحب هـــــو والوئام
مهما يحاول ضعيف النفس في دس سمه *** ما با يحـقــق مــــرام
قسمك معك والجرادي خبره عاد قسمه *** با يوصله والـســــــــلام
ومن تطاول من الاقزام دقيت عظمه *** واصبح مــجرد حــــطــــام
وختمها بالنبي ذي امته خير امه *** طـــــــه شـفـــــيـــع الانـــــام
وهذا جواب الشاعر القدير ( ابو وضاح ) ثابت عوض اليهري
يا جالي الهم قال اليافعي جـــل هــمـــــــــــه *** وابسط عليه النــعام
انا سالك العافية والعفو منك ورحـــمـــــــة *** يا حــــــــي دايم دوام
ثابت عوض قال بي للمعمري ميت خرمــة *** بـخــــرم لذبحه خرام
ما بذبحه ذبح لكن دق بادق عــظــمـــــــه *** كوده يــجي لي شـمــام
بامــــد له جرملي بسقيه مـــن نار فــمــه *** مـســرجــه في الضلام
با فـتته بين اصابيعي وبلـقـــيه شــمـــــة *** با اعــــــدل بها لنسجام
حتى ولو مـــن تناولها تـقــلل بـحـجـمـــه *** لكن عليٌ لــــــــــــــزام
مـــا كنت ساهــن لها ســاقـه لي الله لقمه *** اعـــــــــز واشهى طعام
جابه لي الحظ الى يدي كرم فيه كــرمـــــه *** الله كــــريــــــــم الكرام
هابعد يا هاجسي باشر غريـمي بـلـطــمـــه *** من يــــــــد شاجع همام
تبقى على صابره ليمن مدى الدهر عالـمه *** مـــــــــا يمتحين البهام
عاد الذي مثل ابو وضاح في بـطـــن امـــه *** في حــــرب او في سلام
له قلب سماح ما يحمل عــــداوه ونـغـمـــه *** رمـــــــز الصفاء والوئام
وكلمة الـعــيـــف مـــا جــــوب عليها بكلمة *** صمتي جـــــــواب اللئام
الليلة استنفر القوة وبا صـــد هـجــمـــــــــة *** لي شنها ما يـــــــــــلام
كنه فهمني خطاء ما نا على حسب فهـــمــه *** ما شي فهمني تـمــــــام
ما يدري اني جـبــــل كاتم على الارض كتمه *** ماحد بلغ به مـــــــــرام
ما يدري اني نمر انهش من الخــصـم لحمه *** واشـــرب نـخــاع العظام
ما يدري اني حنش ذي لا لدغ بـــــــخ سـمه *** من الغدد ســـم ســـــام
واني انا الصقر اهوش الطير في كل رضـمه *** واوي كهوف اللـكــــام
قــــــم يا رسولي خذا المكتوب بالجيب ضمه *** سافر الى ارض ســـام
وبـلــغ احمد واخـــوانــــــه واولاد عـــمــــه *** مني جـــــزيــل السلام
واهديت له من زهور الورد مـشـقــــر يشمه *** والكافية والــخــــــزام
قله انا ابوه لي مــنــــــه على الــرأس سلمه *** ولي عليه احــتـــــرام
للمه تـــهــجـــم عــليٌ يا حــســــــبه الله للمه *** وانا رفــيــــــع المقام
ادخــلـــــني السجن وأتـجــنى عليٌ بـــتـهـــمه *** داخل قـفـــــص لتهام
وانا بري منها مـن ثــوب يـوســـف ودمـــــــه *** غيره فقط وانتــــقـام
بيغار من بن عوض ذي في السماء شع نجمه *** منذو ثلاثين عـــــــام
نقد الخطاء مهنتي والحزب عارضت حــكــمه *** ودنت حكم الامــــــام
ذي كان يشرط عليكم شرط فرخه وكــرمـــــه *** فرخه توحم وحـــــام
والابل ذي كان بالقطران بيرش جــســمــــــه *** واتقطرن الشعب عام
واليوم صوتي يدوي وانت مكضوم كضــمـــه *** نم لك في الكهف نـام
با صيح في عالي اصواتي الى مــــن يهـمـــه *** امـــر الضعاف اليتام
يا كم جرائم ولا مجرم تحاسب بـجــــرمـــه *** اين القضاء والــنــظــــام
والجامعة ما يقارب نحو عشرين حــــرمـة *** قتلهن ابن الــــــحـــــرام
ونسبة الامن متساوي وجودة وعـــدمـــــه *** والعدل ماهل كــــــــــلام
اكبر قضية تخسرها غريمك بـــحـــزمــــــة *** من قــــــات بكري وشام
يا ساكني في بلاد الروس لي مــنعــكـــم مه *** في يــــدكـــــــــم لحتكام
الشعر اخلاق قولو للمصروع وحــشـمـــــه *** اوصــــــــوه في لحتشام
ما قد حصل لي شرف ان قد تعرفت باســمه *** ولا هـــــــــو انسان هام
مسكين ماهل يسوي له مع الناس زحــمـة *** وهــــــــــو بسن الخطام
ما يحتمل من صدامي في الميادين صـدمـــه *** مــــن صارمي والحسام
ما قصده الا من اوراق الريالات رزمــــــــــه *** مـن شيخنا ابو عـــصام
اما انا ما يجد مني مـــؤخــــر وقــدمــــــــــه *** فــــــــــوق الحديدة بنام
ماحد يكابر ومغراف الشحاته بـــــكـــمـــــــه *** يا للعتب والــــــــــــملام
والخالدي مجده ذي كنت دائم تـــذمــــــــــــه *** بسم الصلاة والصـــــيام
كنتو تقولون له شوعي ومن دون ذمــــــــه *** يا فاجــــــــــــرين الذمام
احنا لنا به شرف وانته عــــدوه وخـصــــمه *** انته الــــــــــــد الخصام
واليافعي لا تحاول دمج رقمك بـــرقــمــــــــه *** تـعـــديه منك جـــــــذام
لان احنا املاك وانت ابليس ذي جاز رجـــمه *** هو في الطريق استقام
هذا جوابي وفي ذكر النبي تم خـتــمـــــــــــه *** ذكــــــــر النبي بالختام
|