ليش الانفصال؟

[itsinv]

انا عايش بالسعوديه واصلي من المناطق الوسطى، معي اصحاب حضارم كثير وعدنيين ورب البيت اننا اخوان وعمرنا ما اختلفنا، دائما ننتقد ونسخط على الحكومه وعلى الاوضاع والفساد المنتشر باليمن والي احنا مقتنعين وميقنيين تماما ان سببه الرئيسي علي عبدالله صالح وزمرته الفاسده الي ماسكين مقاليد الحكم باليمن، بس عمرنا ما قلنا (لكم دينكم ولنا دين) ، كلنا اخوه، ديننا واحد ولغتنا واحده ودمنا واحد،، دائما مع بعض وقلوبنا على بعض.. ايش قال الدكتور بافضل؟ لا تخلوها ترجع مناطقيه وعنصريه وتعصبيه وطائفيه.. هذا عدني وهذا حضرمي وهذا يافعي.. فكروا بعين العقل، علي عبدالله صالح ما يملك واحد بالميه من الوحده لا هو ولا الشرذمه الي معه، ليش تربطوا الوحده بالفساد والنظام؟

النظام فاسد والمواليين له فاسدين، بس الوحدة الي جمعتنا مالها دخل حاولوا تستوعبوا عسا الله يهديكم بس

الجنوبيين لوا تظاهروا ضد النظام والفساد والظلم كان الشمال كله قام معهم، بس انفصال وفك ارتباط وتحرير وسموها ما شئتوا معلش ما هكذا تورد الابل وانا متاكد ان فيكم الخيرين والعقال الي يعرفوا ويدركوا ايش المساوء الي ممكن تصير اذا صار الانفصال ( لا قدر الله).

ارجع واقول النظام واحط تحتها مليون خط ضروا الشمال والجنوب واليمن كلها، ناس مستفيدين ومتنفذين على الكبير والصغير على اليمن من شماله لجنوبه نهب وسرقه ورشوه ومحسوبيه وفقر وجهل بكل مكان وهم السبب ، لان الاساس فاسد، الاساس الي ممكن ان (الوطن الواحد) يجتثه من جذوره اذا توحدنا بارائنا وكلمتنا ومطالبنا، بس نقول يلا ننفصل وحقوقنا ترجع ويتحسن وضعنأ، انسوا الكلام هذا والله ان الكلام هذا فاضي وماله اي اساس من الصحه. وتفكروا بقول المولى عز وجل (واعتصموا بحبل الله جميعا ولا تفرقوا) ..

ودمتم بكل خير وصحه وعافيه