الشيدر (قصيدة عدنية بعيدا عن غراميات علي حيرو، عسى تسلي عليكم

[روابي الجنوب]

الشيدر (قصيدة عدنية بعيدا عن غراميات علي حيرو، عسى تسلي عليكم

حكاية أم وبناتها ورمز من رموز عدن: الشيدر

أمي تقول لحماتي..
أشتي ازور صاحباتي..
أول سعيده طبازه..
بعدين خديجه شتاتي..
بلْبس لي درعي الملون..
كبدي وكاكي وقاتي..
والمقرمة فوق وجهي..
أحسّو واقش وشاتي..
.................................
وصيّحَتْ: يا وليده..
فين شيدري.. يلّا هاتي..
اتشدرَت بُه وقالت:
يا ويه.. باروح أواتي..
قلنا لِهْ: شلّي عبايه..
قالت: أصا يا بناتي..
الشيدر الّي معيّا..
شوفونّه شيدر وراتي..
من لمّا كنا قَرَمّع..
نموت فوق الهتاتي..
وجدتي لَبَسَنّه..
وامّي وبعدِهْ خواتي..
وانتو تقولوا أسيبو!..
يعني أضيّع تراتي !!!..
أصلا بناتي فضاله..
بايقرّحو كيبلاتي..
أشوفهم كتّرو بِه..
فَشَّر أبَتْهم سكاتي..
يشتوني أشمق عليهم
يشتو يدوقوا شماتي..
والّي بلقفِهْ فصاحه..
أكوّشِهْ بشمبلاتي..
واسندفِهْ واشترِح بِهْ..
وادعي عليها بصلاتي..
............................
من الأخير يا بناتي..
أجا لي لاصي وغاتي..
ما حدّ لو دخل فيبي..
دا شيدري.. ودي حياتي..

((وخرجن وتبقن الباب بقوة ))#