الشهيد بن حبريش الحمومي (للشاعر فريد عرار الشريف )

[روابي الجنوب]

....((الشهيد بن حبريش الحمومي))......

يا جنوب العرب يا حضرمي ياحمومي
ياهل كنده ويا مهد القبائل لصيله

يامهاري و ياشبوه ويا كل قومي
ياهل مذحج سنان الحرب شبو فتيله

يا عوالق وعوذله ويا كل كومي
يادثينه ويا ابين من يبى الخيل خيله

ياهلال الصقور الجارحه ذي تحومي
ياهل الحرب ياضرب السيوف الصقيله

والهواشم قريش اشراف عليا العلومي
المراجع و سادات الجنوب الجليله

والمصاعب وبلحارث حماة التخومي
وهل قحطان براق الحيا في المخيله

سرو حمير وياساحل ويالكور شومي
حان وقت اللتحام الصف يا هل الفضيله

ياعدن ياقبايل لحج ياهل القدومي
ياهل شمسان ياصيره وشعب الطويله

واهل ردفان و الضالع ضواري قرومي
ياهل يافع ويا عر الرجال النبيله

يا سقطرى و يابحر العرب يا رجومي
يارمال الوطن الشامخات المهيله

يا قبايل جنوبيه على العز دومي
والندا حان والداعي قبيله قبيله

ياجنوب العرب يا شعب لم العزومي
لموا الشمل و الميدان واد المسيله

بعد حبريش يانفسي عن الذل صومي
والدماء سيلها ماجف سيال سيله

ردنا بالذخيره من فرنجي ورمي
رد عالغاشم المحتل ياويل ويله

واحد اغتال و الثاني قتل في هجومي
والسجون امتلت يامن تشله رجيله

ذاك مقتول في ساحه وذى به خصومي
والمثقف رهين الحجز مخلوا سبيله

صار دم الجنوبي ياعرب شبه يومي
ينسفك ينهدر يغتال باية وسيله

ياجنوب العرب والعز فوق الخشومي
حان تحريرها من ظلم دوله عميله

بسم لشراف ال عرار مسك الختومي
عزي ابنا الجنوب اليعربي في قتيله

شيخ لحموم بن حبريش حر السلومي
والشهيد الذي دمه في عناق جيله

الشاعر/فريد عرار الشريف