من دندنات الجنوب العربي القديمة ..

[العبد لله بو صالح]

ماحد يخلي ساس داره فوق طين وهياس

و لاّ يعلّي قصر لا قد ما حفر له ساس
البيت إلا من أساسه ما يجي قط للخساسه
غير خس الناس

عدى معلّي فو قنا ذي كان حاني الراس
خله يولّي هان هو ما هنت أنا يا ناس
يومه تبع شفه وراسه
ما عرفنا له قياسه ليش ما يقتاس

خاتمه مطلي غشنا خلّط ذهب نحاس
والفص الأصلي جاب لي صهدود قال ألماس
مغشوش في صهده و ماسه
و ان غدر أو شد باسه
ما علينا باس

كم ناس قبلي غشّهم جاب الشراب أجناس
في كاس مطلي كيف غطى الشرب ذي في الكاس
مكسور ناموسه و كاسه
وان زعل يفقد حواسه
ضيع الإحساس

في قصر عالي كان ما يلفاه أعز الناس
ما اليوم يدلي وسط بيره من جزع يا ناس
من نسى طبعه وناس
ضاع و استسلم لياسه
وانتهى بالياس