احداث مصر

[روابي الجنوب]

الصحة»: 79 قتيلاً و549 مصاباً حصيلة أحداث السبت




قالت وزارة الصحة أن عدد القتلى في أحداث، السبت، على مستوى الجمهورية بلغ 79 حالة، وبلغ عدد الإصابات عدد 549 حالة.


ووقعت اشتباكات بالقاهرة وعدة محافظات بين أنصار الرئيس المعزول محمد مرسي وقوات الأمن والأهالي، على خلفية مسيرات وفعاليات احتجاجية للمطالبة بعودة مرسي إلى الحكم والتنديد بفض اعتصامي «رابعة والنهضة».

[روابي الجنوب]

الداخلية» تمنع إقامة اللجان الشعبية: يستغلها البعض في ارتكاب وقائع تخالف القانون




قالت وزارة الداخلية إنها قررت منع إقامة اللجان الشعبية خلال فترات حظر التجول، والتي يستغلها البعض في ارتكاب وقائع تخالف القانون.

وأضافت «الداخلية»، في بيان، الأحد: «إنفاذًا للقانون والتزاماً بقرار حظر التجول، وفي ظل ما رصدته المتابعة من سلبيات، قررت وزارة الداخلية منع إقامة اللجان الشعبية التي يستغلها البعض في ارتكاب وقائع تُخالف القانون، وتناشد الوزارة المواطنين الالتزام بمواعيد حظر التجول حتى يتسنى للقوات المعنية القيام بمهامها».


كان حازم الببلاوي، رئيس مجلس الوزراء، أصدر قرارًا، الأربعاء الماضي، بإعلان حظر التجول في نطاق محافظات «القاهرة، الجيزة، الإسكندرية، بني سويف، المنيا، أسيوط، سوهاج، البحيرة، شمال سيناء، جنوب سيناء، السويس، الإسماعيلية، قنا، الفيوم»، وذلك من 7 مساءً حتى 6 من صباح اليوم التالي.

[روابي الجنوب]

أول وأقوي كلمة للفريق عبد الفتاح السيسي تعليقآ علي الاحداث الجارية 2013/8/18

بوابة الفراعنة | شادية خليل

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[روابي الجنوب]

السيسي»: حماية الشعب أعز من الحكم.. والدولة لن تركع للعنف (نص كامل)



وجّه الفريق أول عبد الفتاح السيسي، النائب الأول لرئيس مجلس الوزراء، القائد العام للقوات المسلحة، وزير الدفاع والإنتاج الحربي، رسالة لأنصار الرئيس المعزول محمد مرسي، أكد فيها أن «مصر تتسع للجميع، وإننا حريصون على كل نقطة دم مصري» وطالبهم بـ«مراجعة مواقفهم الوطنية وأن يعوا جيدًا أن الشرعية ملك للشعب يمنحها لمن يشاء ويسلبها متى يشاء، وأن حماية الدولة ستبقى أمانة في أعناق الجيش والشرطة والشعب المصري».

وأكد «السيسي»، خلال لقائه مع عدد من قيادات الجيش والشرطة، الأحد، لبحث تطورات الأوضاع في البلاد، بحضور وزير الداخلية، محمد إبراهيم، والدكتور علي جمعة، مفتي الجمهورية السابق، أن «للشعب المصري إرادته الحرة أن يختار من يشاء لحكمه، وأن القوات المسلحة والشرطة ستظلان أمينتين على إرادة الشعب في اختيار حكامه». وجاء نص كلمة «السيسي» على النحو التالي:

«دائما ببدأ كل كلمة وبقول فيها نحن ناس شرفاء وأمناء، اوعوا تفتكروا إنكم واقفين وراء غدر وخيانة أو مكر ودسائس، لا إحنا مش عندنا الكلام ده، أنا بأكد علشان أفكر نفسي وأفكركم نحن لا نتآمر ولا نغدر ولا نكيد نحن مؤسسة شريفة وطنية تعاملت بالاحترام والتقدير والشرف لمدة سنة كاملة، وببدأ كلامي وبقول تعاملنا بمنتهى الشرف وكنا أمناء في كل شيء وقولنا كلام وتقديرات عن كل اللي إحنا رايحينله ده، لأننا كنا شايفين وعارفين كويس، وقولنا هنوصل لاقتتال شعبي تحت إطار ديني، وسيتحول الصراع من سياسي لديني، وفيه ناس هتحول الخلافات اللي بين الناس إلى حرب ضد الإسلام، وضد المسلمين، لا لا توقف عندك كده، هو الإسلام بتاعكم إنتوا بس؟ مين قالكم إحنا مين إحنا كمان، ممكن نكون مسلمين شرفاء حريصين على الإسلام أكثر من حرصكم عليه، عايز أقولكم لو لقيت في الإسلام اللي أنا بقدمهولكم حاجة تفزعك أو ترعبك راجع الإسلام بتاعي لأن الإسلام عمره ما فزع حد أو خوف حد.

إحنا قولنا في ديسمبر يا سادة اقعدوا وشوفوا صيغة للتفاهم، ولم يحدث وجينا الكلية الحربية وقولنا الصراع ده هيدخلنا في نفق مظلم، كل الناس قالت إن الفريق السيسي بيقول كده، عايز أقول إحنا لم نفاجئ الناس كل إجراء من الإجراءات اللي تمت نزيهة ومخلصة وفهم للي إحنا رايحين له، لو مكناش هنتعامل مع المسائل هندخل لحرب أهلية.

أعطينا مهلة و2 و3 واتكلمنا بوضوح كامل مع المعنيين بالأمر، وقولنا إحنا رايحين لمشكلة كبيرة لبلدنا وهيبقى فيه اقتتال بين الناس، لو الناس اللي بتخرج بالملايين إن لم تتم تلبية مطالبهم هتتعامل بعنف والمؤيدين يتصوروا إنهم بيدافعوا عن الإسلام، أقسم بالله الكلام اتقال بمنتهى الوضوح ده في مارس السنة دي، والله قولتله ده اللي هيحصل وأنا كجيش قولتله أعمل إيه، أفض ده وأتعامل مع ده إزاي؟.

ده الكلام اللي اتقال، ومفيش حاجة إحنا خبيناها عنهم ولا عن تطورات الموقف ده هتودي لفين، إحنا كنا شايفين وعاملين حسابه ونبهنا عليه علشان مش نوصله.

الممارسة الديمقراطية لأي دولة زي مصر في البداية بتاعتها تبقى هشة وضعيفة، عقبال الناس ما تعرف تشتغل وتتحرك وتحكم نفسها وتدير أمورها بتاخد سنين، اللي أنا شفته إن النظام السابق خد الديمقراطية سلم يصعد به للسلطة طيب زق السلم وقعه، لا ده خد السلم معاه فوق، أقسم بالله اتقالي جايين نحكم 500 سنة، إنت هتحكم إذا رضي الناس بحكمك طالما الناس راضيين عن أدائك، طالما الناس قابلينك، لكن تحكم وتقهر إرادة الناس، ده ربنا سبحانه وتعالى إدى للناس حرية اختيار عبادته من عدم عبادته، عارفين يعني إيه؟ يعني خيرهم يؤمنوا أو لا يؤمنوا، ويوم القيامة كل واحد يدافع عن اختياره، وإنت عايز تحكمني ومتصور معاك الحق والحقيقة، الحق المبين مع حضرتك وكلنا مش كويسين، هتعلمونا الدين والصلاح لازم تستحملوا ده وتقبلوه، لا لا، الشعب المصري إرادته حرة يختار من يشاء يحكمه، ونحن أمناء على هذه الإرادة الجيش والشرطة أمينة على إرادة الناس في اختيار حكامها.

أوعوا تفتكروا إن الأمر مش واضح، لا إحنا نعرف ربنا كويس أوي وهنقف قدامه وإحنا لا نخاف من الموت، نخاف من لقاء الله اللي هيحاسبنا، فلو كنا إحنا متأكدين من إن اللي بنعمله على الحق مفيش مشكلة من الموت خالص، الموت جاي جاي، لكن إرادة الناس اللي ربنا سبحانه وتعالى خيرهم حد يستطيع إنه يسلب إرادة الشعب، ده الكلام اللي أنا قولته لا نروح نموت أحسن.

فيه نقطه مهمة عايز أقولها بيتقال إن ده حكم عسكر، لا والله مش حكم عسكر ولا فيه أي رغبة وإرادة لحكم مصر، عايز أقولكم شرف إننا نحمي إرادة الناس أعز عندنا وعندي شخصيا من شرف حكم مصر، أقسم بالله على ذلك، شرف حماية الناس وحريتها في اختيار ما تشاء وتعيش كما تشاء أعز وأشرف عندي أنا أقسم بالله من حكم مصر.

خلي بالكم ملناش طمع غير إننا نشوف بلدنا قد الدنيا، بقول كلمة حكم العسكر إن اللي عملناه علشان الجيش يحكم مصر تاني لا إحنا لما عملنا البيان بتاع خريطة الطريق كان واضح فيه رئيس مؤقت ومجموعة مستشارين يقودوا الدولة ورئيس الوزراء ومن معه يقودوا الحكومة، وأنا عضو في الحكومة لا أزيد عن ذلك ولا أرغب في أكثر من ذلك، ده مش حكم عسكر، انتبهوا للكلام اللي بقوله كويس، علشان الكل يعرف إحنا فين، كل اللي عملناه ببساطة عافينا البلاد من اقتتال وقولنا مستعدين يكون القتال معانا إحنا، إحنا نستحمل القتال لأجل بلادنا بدلا مع المصريين، إنتوا بتلومونا على حبنا لبلدنا واللا أيه؟.

بقي إحنا يبقى موجودين على وش الدنيا يا رجال، أنه رجولة إن الناس تبقى قاعدة في بيوتها وخايفة وإحنا موجودين على وش الدنيا، نقول لربنا ايه يوم القيامة وإحنا مسؤولين عن الأمن ألا يروع الناس ويفزعوا عن خوف الناس، المهمة اللي ربنا هيسألنا عنها يوم القيامة عملتوا ايه في تأمين الناس.

بتكلم في الموضوع ده كتير علشان نُدرك حجم اللي إحنا عملناه، عملناه ليه إحنا مش عملناه رغبة في سلطة وسلطان، قولنا إرادة المصريين في اختيارهم هنحترمها وسلمنا السلطة بجد، لكن المصريين في أقل من سنة قالوا كفاية كده، وخرجت الناس بالملايين وخلي بالكم بقى احنا في 24 يونيو طلبنا من الناس تنزل علشان تديني تفويض ومكافحة والتصدي لعنف وإرهاب محتمل، وجهت رسالتي لكل المصريين وقولتلهم من فضلكم عايزين تفويض في التصدي لعنف وإرهاب محتمل، نزلت الناس بالملايين صحيح، الهدف من ده كان ايه، الحقيقة مكنش بس الهدف اللي إحنا طرحناه في الطلب، إنما الهدف كان بالإضافة لكده بقول للعالم اللي أنكر على المصريين، والإعلام الخارجي اللي أنكر على المصريين وقال لا، شوفوا بقى حجم الناس اللي خرجت، طلب في خلال يوم ونص ده يعكس أيه ويعبر عن ايه؟ يا ترى العدد ده كله مكنش يقدر ينزل لولا وجود إرادة حقيقة، حتى لهذا التيار أن يرى إذا مكنش عنده فرصة سابقة يؤكد ويرى إن فيه إرادة للناس ورفض حقيقي.

والحاجة الثالثة كان لازم ضباط الجيش والشرطة يروا بالراحة اللي بيعملوه، يشوفوا قد ايه المصريين حطوا في رقابنا أمانة كبيرة وإحنا قد الأمانة إن شاء الله.

نزلت الناس 26 يونيو علشان تقولنا أنتم الأن لديكم تفويض من شعب مصر لحماية مصر من الإرهاب والعنف المحتمل، طيب كانت الناس متصورة إن تاني يوم أو 3 يوم هنتعامل مع الاعتصامات في رابعة والنهضة، إحنا إدينا فرصة كبيرة جداً للقاصي والداني لكل من طلب التدخل لإنهاء الأزمة بشكل سلمي كامل، وكنا لما بنقعد معاهم نقولهم خلوا بالكم حد يقولي والسؤال مطروح حتى الآن، يا ترى المطلوب من الآخرين هو الإنخراط في العملية السياسية أو المواجهة، لو جاوبتوني الباقي هيبقى يسير، هل هما مستعدين للدخول في انتخابات عملية ديمقراطية حقيقية الفترة القادمة واللا عايزين المواجهة، ده السؤال اللي كنت بطرحه على كل المسؤولين اللي وصلوا مصر، بقولها الهدف الإستراتيجي بتاعهم أيه؟ تدمير البلاد واللا المشاركة في البناء، خلوا بالكم علشان الأمور تبقى واضحة إذا كانت المشاركة في البناء مين يرفض ده، إنما لو كان التدمير مين هيقبل ده، ولن نسكت على تدمير البلاد أو إرهاب العباد، أنا مش بهدد حد، أنا بقول إذا كان الهدف هو تدمير البلاد والعباد في مصر، إحنا مستعدين أوي لإن ده أمر لا يرضي ربنا واللي مش يرضي ربنا هندعمه وكل ما يرضي ربنا هندعمه.

أنا هتكلم عن الفرص الضائعة، عايز أقول إن خلال السنة كان فيه فرص كتير لتعديل المسار وإيجاد مساحة تفاهم بين النظام السابق والموجودين من القوى السياسية والرأي العام، الحقيقة الفرصة كانت وراء الفرصة بتضيع، العناد وتصور إن المسار اللي ماشيين فيه هو السليم، والاعتقاد إن الكل يتأمر عليه، القضاء الإعلام والقوى السياسية والجيش يتأمر عليه، كله بيتأمر عليه، طيب يعني إنت عايز تقود نفسك بس واللا تقود الدولة المصرية بكل ما فيها، عايز تقود الدولة يبقى لازم توجد صياغة للتفاهم مع كل فئات المجتمع المصري، ده مش حصل وبقول فرص وراء فرص، كان الكلام الأول في تعديل وزاري محدود والنائب العام، ثم تعديل وزاري موسع ثم إلغاء الوزارة كلها، والفرصة وراء الفرصة، وكنا بنؤكد ليهم كده إننا داخلين في مواجهة خطيرة، الفكرة اللي كانت مسيطرة، فكرة تانية خالص غير فكرة الدولة، التصور الموجود والبناء الفكري مختلف خالص،كانوا شايفين إنهم على الحق المبين، والباقي على الضلال المبين، الفرص الضائعة، ثم الـ 7 أيام مهلة كانت فرصة ضائعة، والـ 48 ساعة كانت فرصة أخرى ضائعة، شوفوا بقى قيمة ووزن الوطن في عقول هؤلاء الناس، خلوا بالكم لو أنا مكاني هيترتب عليه سقوطي أنا واللا سقوط الدولة يا ترى اختار إيه؟ يا ترى الواجب والمسؤولية والأمانة تقول إن الوطن يسقط واللا النظام يسقط، المسؤولية والأمانة تقتضى النظام يسقط مع السلامة، بس مصر تبقى، ده الكلام اللي كل مسؤول ووطني ومحب لربه وبلده يكون حطه في الاعتبار تسقط مصر واللا النظام؟ تهدوا مصر كلها واللا تحكموا؟ منحكمش خالص بس البلد تعيش.

انت بتفكر في غير كده بقى نهدها كلها ونهد الجيش والشرطة وفي خلال أيام ندمر الأقسام والمديريات زي ما حصل في 25 يناير و 28 يناير، ويروع الناس لمدة سنتين وهما ماشيين كل راجل ماشي في الشارع مهدد، كل سيدة ماشية في الشارع مهددة، نتيجة تصور إن ده إصلاح في الأرض، أنا بقول الكلام ده كان ممكن أوي لما كنا بنتكلم وبنقوله من فضلك اعرض نفسك على استفتاء يجنبنا الفتن، والنتائج لو لصالحك الطرف المعارض يسكت ولو كانت ضدك الطرف المؤيد يسكت، أي إنسان يقود دولة كان لابد يقبل ده بمنتهى البساطة، لا أنا أقول أيه الفوضى أنا أو الدم، ليه يا سيدي الناس مش من حقها تقولك لا، استنوا عليا 4 سنين ويبقى نتكلم في الانتخابات اللي بعدها، هيا البلد هتستحمل 4 سنين، دي فرص ضائعة، تاني البيان طلع بمنتهى البساطة حل المسألة بالراحة خالص، وقولنا في 9 شهور خريطة طريق محترمة ترجعنا للمسار الديمقراطي من جديد، واللي عنده أغلبية عنده الفرصة تاني، ولم يتم عمل إجراء استثنائي واحد.

في نقطة في منتهى الأهمية، ورغم إني مش عايز احلف كتير لكن أقسم بالله لم يتم التنسيق خارجيا مع أي دولة على أي أمر، عارفين لما بقولكم إحنا ناس شرفاء بقولها كده مش كلام أجوف، لم ننسق ولم نتعاون ولم نستأذن أي حد في حماية بلادنا خالص.

كان ممكن أوي التيار المؤيد بمجرد صدور البيان يتوقف ويقدر موقفه الموضوع ، بما إننا وصلنا للحالة دي، طيب نقبل وممكن أقول كمان نعتذر عن سوء إدارتنا للدولة خلال السنة دي، شكرا ونعتذر وندخل نكمل، يا ترى ده كانت فرصة ضائعة دلوقتي واللا لأ؟ لأنها كانت بمنتهى البساطة تجنبنا ما قات على الأقل، فرصة ضائعة.

الأيام اللي بعد كده محاولة تغيير الواقع بالقوة، ومهاجمة الناس في الشوارع، بعد يوم 26 يونيو الناس كلها خرجت وبترتب صباح السبت لعمل الإعلام الغربي يشوفه إن فيه اقتتال، دي الصورة اللي بتتقدم إنت مش عايز تخطط علشان تحافظ على بلدك، مش بتخطط علشان أهلك وناسك، لا إنت بتخطط علشان تحكم وبس.

حجم التحديات الموجودة في بلادنا حجم ضخم جداً ولم أتكلم عن الموضوع ده في العلن، كل القوى السياسية اللي كنت بقعد معاها من أول مارس 2011 كنت بقولهم حجم التحديات كبيرة جداً، لأنها تراكمات سنين طويلة جداً، التحديات أكبر من مصر، ضخمة جداً قد تكون أكبر من قدرة مصر كدولة لكنها ليست أكبر من قدرات المصريين.

لو كان فيه تصور إن العنف هيركع الدولة أو الناس، ده أمر محتاج مراجعة، بقول طول ما الجيش والشرطة بوجه كلامي ليكم إنتم للجيش والشرطة مصر أمانة في رقابنا كلنا احفظوا الأمانة، إحنا لا ندعو لقتل الناس أو إزهاق الأرواح لكن بنقول نحمي بلادنا وشعبنا، المسار اللي قولناه فيه فرصة يتعدل لا، المسار ده عبارة عن خريطة تدي فرصة للمصريين يستعيدوا إرادتهم واللي ينجح هنعظمله ونحترمه.

ياريت مايبقاش فيه فرص أخرى ضائعة، البلد ممكن تسع العدد الموجود أضعاف مضاعفة، لكن المواجهات هتبقى مش في صالح اللي هما عايزين يواجهوا، إحنا مُصرين على حماية مصر وشعبها، طيب مُصرين بس، لا مُصرين وقادرين إن شاء الله.

وعايز أقول للشعب إنت خرجت وكلفتنا وأمرتنا إننا نوفر الأمان لك ونجابه العنف والإرهاب، خلونا أكمل إن ده أمر مش كان على قد الاعتصام بتاع رابعة، لا ده موضوع ممكن يمتد، خروجكم التزام لنا جميعاً، فيه دور لكم النهاردة، إحنا هنقوم بدورنا كاملاً وأرواحنا على ايدينا بكل الحب لكم، ولما نبقى قاعدين في البيت ولنا جيران أرجو تقولوا لجيرانكم من هذا الفصيل أو التيار خليك من فضلك في بيتك خلينا نبني بلدنا بلاش نساهم في عنف ودم تاني، رغم إن فيه ناس كتير متصورين إنه أمر بسيط لكنه هيكون كبير في حماية مصر، أنا في تفتيش حرب الفرقة الـ 9 لما قولنا الوقوف عشرات الساعات في طوابير الانتخابات أفضل من أي حاجة تانية، الكلام كان بيتقال مش للمؤيدين بس لا كان للمعارضين كمان، بدل ما تقعد 40 يوم في رابعة لا هتقف 10 ساعات بس.

بقول للشعب اوعوا تخافوا وتفزعوا، محدش أبداً يخوف أهلنا ولا يفزعهم، من فضلكم كمان لازم جهدنا في العمل يتضاعف ومنديش فرصة لحد في العمل من هذا التيار يعرقله، خلونا نشوف شغلنا ونبني بلدنا.

عايزين دور للمصريين جيرانك من التيار قوله لو سمحت بلاش كده، لو عملنا ده هنحقن الدماء ونحقن مصابين ونبقى كمان ساهمنا في إن الفتنة يتم إطفائها تماماً، ده أمر مش كتير وده أمر إيجابي للمصريين.

الأزهر هو المرجعية الدينية الوحيدة في مصر ولن يتم مجابهة الإرهاب إلا من خلال الأزهر، الأزهر على دماغنا كلنا مش بقول الكلام ده دعم للأزهر ولكنه حقيقة لازم الأزهر والكنيسة يبقى ليهم الغلبة في الدين، إحنا في الجيش علشان خطبة الجمعة، جبنا نخبة من علماء الأزهر، والخطبة اللي بتتقال بيكتبها رجال الأزهر، إحنا مش بناخدهم في اتجاه معين، أعز حاجة عندنا العقيدة ومش أي حد يتكلم فيها، الأزهر والكنيسة يجب أن يكون لهم الكلمة العليا في تجهيز الناس دينيا.

المصريين بطبيعتهم شعب طيب ومتسامح بس هو لا ينسى من أساء إليه ومن مد الإيد إليه.

أسمحولي أشكر كل من مد يده لنا الأشقاء في السعودية، خلوني أوجه التحية، خاصة للملك عبد الله اللي قام بأقوى تحرك منذ عام 1973، بقول كل دولة لوحدها علشان نحييها، لإن الموقف العربي سواء السعودية أو دولة الإمارات، والكويت الشقيقة، دولة الأردن، دولة البحرين، كل الشكر والتقدير لمن ساهم ومد يد العون لمصر، ولن تنسى مصر لكم ذلك.

وعايز أوجه رسالة للآخرين عايز أقوله من فضلك راجع موقفك راجع موقفك، وإذا كنت صحيح بتتكلم عن الحرية والديمقراطية والشرعية فالشرعية في إيد شعب مصر يمنحها من يشاء ويسحبها ممن يشاء.

الشرعية ملك للمصريين يعطوها ويسحبوها فمن فضلك راجع الموقف كويس، المصريين هما اللي بيقرروا، يعطوا الشرعية لمين ويسحبوها تاني، لازم نحترم شعب مصر، من فضلكم راجعوا مواقفكم تجاه شعب مصر مش تجاه حد تاني.

لم أتكلم عن الإجراءات الأمنية اللي اتعملت خلال الأيام اللي فاتت، أجهزة الإعلام تلقي عليها الضوء كتير، بمنتهى الأمانة إحنا حريصين على كل نقطة دم، حريصين بجد يعني لكن يا ترى هل الآخرين كمان حريصين على دمائنا واللا لأ، طيب هما حريصين على دمائهم واللا لأ؟ النهاردة خلال الأيام اللي فاتت تتهاجم أقسام ومديريات في مختلف المحافظات مصر ويسقط شهداء من الشرطة، وضحايا من المهاجمين ضحية فكرة خاطئة، فهم مغلوط، إنت متصور إنه هيتساب القسم أو المديرية وتقع مصر واللا إيه؟ طيب ليه إنت عايز توقع مصر ليه؟ لا المنشآت الشرطية والعسكرية ومنشآت الدولة أمر لا يمكن السكوت عليه، وسيتم التصدى ليه بكل قوة وحسم.

إحنا اتعاملنا مع المواضيع خلال الشهور اللي فاتت في سيناء وتحملنا كثيرًا من الشهداء والمصابين والمعدات، ومافيش أي داعي تتم مهاجمة الشرطة والجيش طوال الـ 30 شهر اللي فاتوا مافيش أي سبب للهجوم، الناس المعتدية موجودة لتأمين هذه الأرض الغالية من أرض مصر ومش بتعمل أي حاجة، واتعاملت مع الأمور بمنتهى ضبط النفس والصبر، علشان الأمور لا تخرج عن السيطرة على كل تصرف ورد فعل مننا، علشان مش يسقط ضحايا، حتى لو كانوا الضحايا فاهمين غلط، وبترفع السلاح، هذا الأمر لن يستمر، عملية ضبط النفس والاستمرار في تلقي الضربات لن يستمر لأنه سيؤدي مخاطر شديدة على أمن مصر، لا المديرية ولا القسم ولا المحافظة وممتلكات الناس، هذا الأمر لن يستمر وسنتصدى له بكل قوة وحسم، الأمر واضح خلاص اللي بيهاجم ده عايز يهد مصر، ولو مش دافعت إنت تساهم في هد مصر.

يا ترى إحنا هنهد بلادنا بمنتهى القوة واليقظة والحذر والعلم في مواجهة العنف اللي هنشوفه، نكون جاهزين ومستعدين ولن نسمح به، نكون جاهزين ومستعدين ولن نسمح به، وإحنا الشعب والجيش والشرطة أيد واحدة.

الناس اللي كانت بتتكلم عن فض الاعتصام يتم بشكل سلمي، وقعدنا الأيام اللي فاتت لنصل لطريقة تخلينا نصل إن الفض مافيهوش خسارة خالص، أنا هعمل إيه وزمايلنا في الشرطة وهو داخل يفض اعتصام يجد ناس موجودة تعتلي المباني وتطلق النيران، يعمل إيه يجد ناس مستخبيه وسط الناس وتطلق النار، مش بقول إن كلهم بيطلقوا النيران لا كفاية إن فيه 20 أو 30 أو 50 واحد في اعتصام بالحجم ده.

الاعتصام وفضه السلمي اللي كتير من الناس بيطالبونا بيه بتكلم عن الناس اللي في الخارج، بقولهم هاتوا الاعتصامات في الدول بتاعتكم وشوفوا حد رفع السلاح واللا لأ؟.

بختم كلامي إحنا حريصين على كل المصريين وأمناء في التعامل مع كل المصريين، بس ياريت التيار ده يتعامل معانا كده للأمانة اللي إتعاملنا بيه معاه، مش الناس تغدر وتقتل الناس وتختبئ.

إمبارح في مساكن عين شمس القوات موجودة في الأرض لحظر التجول وفيه ناس موجودة في مباني تحت الإنشاء تطلق النيران، طيب ليه؟ كل الكلام ده إحنا إن شاء الله جاهزين لمواجهته.

بقول في الآخر أيدينا ممدودة بكل الخير لكل المصريين ولو أردوا غير ذلك ملناش خيار تاني غير مجابهة ده بكل القوة والعنف، ليه علشان نحمي مصر، دولة مصر، حماية الدولة المصرية، آخر كلمة بقولها حماية الدولة المصرية في أعناق الجيش والشرطة والشعب المصري».

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[روابي الجنوب]

الداخلية»: مقتل 36 متهمًا من «الإخوان» بسيارة ترحيلات «أبو زعبل» اختناقًا بالغاز




قالت وزارة الداخلية إن 36 متهمًا من أنصار جماعة الإخوان المسلمين المحبوسين احتياطيًا لقوا مصرعهم، الأحد، خلال محاولة هروب من سيارة ترحيلات بالقرب من منطقة سجون أبو زعبل بمحافظة القليوبية.

وأضافت «الداخلية» في بيان لها، الأحد: «إلحاقاً للبيانات السابقة بشأن محاولة هروب عدد من المحبوسين احتياطيًا والسيطرة على الموقف، وتحرير الضابط المحتجز، وإصابة عدد منهم بحالات اختناق من جراء التعامل لمنع هروبهم بإستخدام الغاز المسيل للدمموع، نتج عن ذلك وفاة عدد 36 منهم نتيجة الاختناق والتدافع».


وتابع البيان: «حالت جهود قوة التأمين دون هروب أىٍ منهم، وإحباط مخطط هروبهم، وتحرر عن الواقعة المحضر اللازم، وتباشر النيابة العامة تحقيقاتها».

وقال مصدر أمني لـ«المصري اليوم» إن 38 متهمًا من أنصار الرئيس المعزول محمد مرسي لقوا مصرعهم، مساء الأحد، في محاولة لهروبهم أثناء ترحيلهم بالقرب من منطقة سجون أبو زعبل بمحافظة القليوبية.

وكان المتهمون المحبوسون احتجزوا أحد ضباط الشرطة داخل سيارة الترحيلات، وقالت مصادر أمنية إنه تم تحرير الضابط ونقله للمستشفى، ودفعت الشرطة بتعزيزات أمنية إلى موقع الحادث.

[روابي الجنوب]

مصطفى حجازي: فرص «الفاشية» انتهت في مصر.. ونواجه «العنف باسم الدين»




قال مصطفى حجازي، المستشار السياسي والاستراتيجي للرئيس المؤقت، الأحد، إن «فرص الفاشية انتهت في مصر».

وأضاف «حجازي»، في تصريحات لقناة «روسيا اليوم» ستنشرها كاملة على موقعها الإلكتروني، الإثنين، أن مصر دولة تتعامل بقدر كبير من الحكمة.

واعتبر «حجازي» أن بعض القوى تحاول أن تنال من الدولة المصرية، مشددًا على أن فرص الفاشية انتهت في مصر.

وقال: «إننا نتحدث عن وجود إطار للعدالة الانتقالية، ومن نواجهه هو العنف باسم الدين»

[روابي الجنوب]

ماكين»: يجب تعليق المعونة ووقف شحنات قطع الغيار العسكرية بعد حملة القمع في مصر



قال السيناتور الجمهوري، جون ماكين، عضو لجنة «الخدمات المسلحة» في مجلس الشيوخ، إنه يدعم الآن تعليق المعونة، رغم أنه كان يعتقد في بادئ الأمر أنها يجب أن تستمر بعد عزل الجيش المصري الرئيس محمد مرسي الشهر الماضي، قائلا: «أردت أن أمنحهم (قادة الجيش) فرصة للقيام بالصواب بعد حدوث الانقلاب»، لكنه أضاف أنه «بعد حملة القمع يجب أن تعلق المعونة».

وتابع لشبكة «سي.إن.إن» التليفزيونية: «بالنسبة لنا الصمت ومتابعة ما يحدث انتهاك لكل شيء نمثله»، مشيرًا إلى أن هناك خطوات أخرى يمكن أيضا أن تتخذها الولايات المتحدة مثل حجب الدعم لقرض صندوق النقد الدولي أو وقف شحنات قطع الغيار العسكرية.

وقال «ماكين»: «هناك العديد من المجالات التي يمكن أن نؤثر فيها على قادة الجيش، ولكننا لا نفعل أيا من ذلك ولا نلتزم بقيمنا».

من جانب آخر، رفض البيت الأبيض، الأحد، التعليق على المطالب المتزايدة من أعضاء الكونجرس بتعليق المعونة.

من جانبها، قالت السيناتور كيلي أيوتي، العضوة بالحزب الجمهوري في لجنة «الخدمات المسلحة»، إنها غيرت رأيها هي أيضا وتعتقد أن «الوقت حان الآن لتعليق المعونة».

وقالت لمحطة «إن.بي.سي» التليفزيونية «مع القمع العنيف في الآونة الأخيرة لا أعرف كيف يمكننا مواصلة تقديم المعونة. أعتقد أنها يجب أن تعلق».

وثارت دعوات، الأسبوع الماضي، من الحزبين الجمهوري والديمقراطي للرئيس الأمريكي بارامك أوباما لتطبيق قانون أمريكي يحث على قطع المعونة إذا أطاح انقلاب عسكري برئيس منتخب ديمقراطيا.

وقال السيناتور الديمقراطي جاك ريد، عضو لجنة «الخدمات المسلحة»، إن الكونجرس عليه أن يمرر تشريعا بقطع المعونة مع منح «أوباما» مرونة الإبقاء عليها إذا كان يعتقد أن هذا في صالح الأمن القومي الأمريكي.

وقال السيناتور الجمهوري، بوب كوركر، عضو لجنة الشؤون الخارجية بمجلس الشيوخ إن الكونجرس بحاجة إلى إعادة النظر في القانون الخاص بالمعونة لمصر.

وأضاف لقناة «إيه.بي.سي» التليفزيونية: «أعتقد أن تصرفات الأسبوع الماضي ستدفعنا دون شك إلى تعليق المعونة. وأعتقد أن الوقت حان لإعادة التقييم والبحث فيما يتعلق بمصالحنا القومية»، لكن الديمقراطي إليوت إنجل، عضو لجنة الشؤون الخارجية بمجلس النواب، حث على الحذر قائلا إن هناك الكثير من الأسباب الاستراتيجية لاستمرار المعونة رغم أن تصرفات الجيش المصري لا يمكن التسامح معها.

[روابي الجنوب]

أ.ش.أ»: اشتباكات عنيفة بين الشرطة ومسلحين حاولوا تهريب متهمين من «الإخوان»



شهدت منطقة سجن أبو زعبل بالخانكة، الأحد، اشتباكات عنيفة بالرصاص والقنابل المسيلة للدموع بين عدد من المسلحين، ورجال الشرطة بعد مهاجمتهم مأمورية ترحيل عدد كبير من المتهمين من عناصر الإخوان المسلمين، أثناء ترحيلهم من مديرية أمن القاهرة، لإيداعهم داخل سجن أبو زعبل، تنفيذًا لقرار النيابة العامة بحبسهم 15 يومًا على خلفية الأحداث التي شهدها ميدان رمسيس علي مدار اليومين الماضيين.

وقال مصدر أمني مسؤول إن 36 من أنصار جماعة الإخوان المسلمين، قتلوا أثناء محاولة تهريبهم، الأحد، حال تسليمهم من مديرية أمن القاهرة إلى منطقة سجون أبوزعبل.

وقال مصدر أمني بمديرية أمن القليوبية، لوكالة أنباء الشرق الأوسط، إن مجموعات مسلحة كان ترابض في انتظار سيارات الترحيلات قبل دخولها لمنطقة سجون أبو زعبل، وحاولت تهريب المساجين بعد إطلاق الأعيرة النارية على القوات، موضحًا أن القوات مازالت تتعامل معهم بإطلاق القنابل المسيلة للدموع لتفريقهم، مما أدى حدوث حالات اختناق لعدد من المحبوسين ومقتل بعض العناصر المسلحة، وجار السيطرة الكاملة على الموقف.

كان مجهولون مسلحون حاولوا تهريب عدد من المحبوسين احتياطيا من عناصر جماعة الإخوان المسلمين أثناء تسليمهم لمنطقة سجون أبو زعبل، والبالغ عددهم 612 محبوسًا، وقاموا باحتجاز أحد ضباط قوة التأمين خلال الاشتباكات.

[روابي الجنوب]

وزير الخارجية السعودي: اتفقت مع رئيس فرنسا على منح «خارطة الطريق» فرصة في مصر



أعلن وزير الخارجية السعودي، سعود الفيصل، الأحد، أنه تم الاتفاق مع فرنسا على منح «خارطة المستقبل» فرصة في مصر، حسبما أفادت قناة «العربية» على موقعها الإلكتروني.

وقال «الفيصل»، بعد لقائه بالرئيس الفرنسي فرانسوا هولاند في قصر الإليزيه: «اتفقنا مع فرنسا على إعطاء خارطة الطريق في مصر فرصة لتحقيق الأمن والانتخابات المبكرة».

وأكد وزير الخارجية السعودي، الأمير سعود الفيصل، في باريس على أن «حرية الرأي يجب أن يعبر عنها بغير العنف».

[روابي الجنوب]

غزلان»: تصريحات «السيسي» تؤكد قرب نهاية الانقلاب



اعتبر الدكتور محمود غزلان المتحدث الرسمي باسم جماعة الإخوان المسلمين، إن تصريحات الفريق أول عبد الفتاح السيسي، وزير الدفاع، تؤكد أن «نهاية الانقلاب اقتربت».


وقال «غزلان» في تصريحات لموقع «إخوان أون لاين»: «بعد أحداث جمعة الغضب في رمسيس وجميع محافظات مصر، التي أثبتت أن قادة ما وصفهم بالانقلاب إنما هم مجموعة من السفاحين، الذين جاءوا بالموت قتلا وحرقا للمصريين، الذين يعبرون عن آرائهم بحناجرهم فقط، انطلقت حملة محمومة من المؤتمرات الصحفية من مؤسسة الرئاسة المزعومة، ومجلس الوزراء الباطل، وآخر من وزارة الخارجية الكاذبة، كل ذلك من أجل محاولة تجميل وجه الانقلاب الدموي القبيح، ولكن هيهات أن ينطلي ذلك على الناس».

وأضاف حسب الموقع: «بعدها خرج السفاح والغادر( في إشارة إلى السيسي) بتصريحات في اجتماع كبير مع ضباط الجيش والشرطة بغرض تحريضهم على استمرار القتل خوفا من استيقاظ ضمائرهم ووطنيتهم فينفضوا عنه أو ينقلبوا عليه».