من الصالح!! الى الشعب ( احبك مخزن مطنش واخر انسطال )

[ابومعاذ تعز]

يا شعبي يا شاطر يا جابر الخواطر وصابر
يا شعبي يا روحي ياحاطك في جيبي يابن الحلال
يا واكل سمومك يا حامل همومك و شايل جبال
يا شعبي ياللي نايم وفي الفقر عايم
احبك مخزن مطنش واخر انسطال
احبك مكبر دماغك مخدر ممشي امورك باتكال
واحب اللي ينصب واحب اللي يكذب واحب اللي ينهب ويسرق تلال
واحب اللي شايف وعارف وخايف وبالع لسانه وميت كمان
واحب اللي قافل عيونه سادد اذونه واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل وتهلل علشان متش كره وفيلم ومقال
واحبك تأيد,تمجد,توافق تنافق وتلحس نعال
*** *** ***
لكن لو تفكر وتخطط وتقرر وتشغل لي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حأذل جنابك وحيكون عذابك فوق كل الاحتمال واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض,حتطلع حتنزل حجيبلك؟مصايب تذبح رجال؟